السلام عليكم ورحمه الله وبركاته
كل سنه وانتم طيبين بمناسبه شهر رمضان الكريم
اعاده الله علينا بالخير واليمن والبركات
سلسله تعلم تكويد السورس من الالف الى الياء
مبدئيا
الموضوع ده كبير وهيحتاج صبر ومتابعه وتفاعل فياريت تشجعونى
والاقى تفاعل منكم لانى انا عامل الموضوع للافاده طبيعى لو ملقتش حد مهتم
مش هكمل لكن لو لقيت فى تفاعل هستمر واى سؤال ان شاء الله هجاوب عليه
مشروع سيرفر من الصفر
اساس الفكره عشان اساعد الناس تفهم السورس بيتكود اذاى
ويقدروا يعملوا سورس خاص بيهم بدل ما كل واحد بيحط اسمه جمب اى سطر فى الكود
ويقول ده سورسى وتلاقى سورسات بالملايين وكل سورس باسم مختلف لكن كلهم واحد
ملحوظه : انا هشرح عمل السيرفر على اخر كلاينت لكونكر اونلاين
لكن للاسف السورس مش هيكون فيه التشفير الجديد بتاع الباسوورد
لان ده محتاج برمجه عكسيه عشان تجيبها من الكلاينت وانا هشرح سى شارب بس
وكمان هيكون اساس الشرح على سورس امبلس
وهنبدأ مشروع جديد فى السى شارب وهندرس كل حاجه بالتفصيل
سبب اختيارى لسورس امبلس
هو انه سورس اوبن يعنى لو حبيت انك تاخد منه حاجه فى المستقبل كوبى وبيست هتقدر
ده غير ان اصلا اغلب السورسات اللى نازله هيا سورس امبلس ومتعدله
معادا مجموعه قليله من السورسات مختلفه
كفايه مقدمات ونبدا على بركه الله
اول حاجه هتتعمل هى السوكيت (سوكت الاتصال)
وكمعلومه عامه عن السوكت وايه وظيفته
السوكت ده وسيله اتصال بين اى تطبيقين او جهازيين
يعنى مثلا معايا جهاز A وجهاز B بعاد عن بعض ومحتاج ابعت بيانات من واحد للتانى
فهنا بتسخدم السوكت علشان نخليهم يتصلو ببعض
البيانات دى ممكن تكون صوت او صوره او نص الخ ...
السوكيت نوعين
synchronous (سينكلونس)
وده بيبعت ويستقبل البيانات فى نفس الوقت
Asynchronous (إسينكلونس)
ده بيعت ويستقبل البيانات بس مش فى نفس الوقت
انظمه الاتصال هما ثلات انواع
النظام الاول
duplex (دوبلكس)
ده بيرسل بيانات بس
ذى التليفزيون والراديو لو اتكلمت جمبه مش هيسمعك لكن هو شغال رغى رغى لما بوظ عقول البشر :)
النظام الثانى
half-duplex (هاف دوبلكس)
ده بيستقبل بيانات ويستنه اشاره او امر علشان يبعت الرد
ذى الجهاز اللاسلكى الى مع الشرطه
لما بيتكلم واحد وبعد ما يخلص رسالته لازم يقول حول علشان الطرف التانى يفهم ان الرساله خلصت ويبدء يبعت هو رسالته
النظام الثالث
full-duplex (فول دوبلكس)
وده بيبعت ويستقبل بيانات فى نفس الوقت
ذى التليفون المحمول ممكن الاتنين يتكلمو فى نفس الوقت وهيسمعو برضه فى نفس الوقت
علشان نبدء نعمل السوكت هنحتاج نعلن عن
net and netsocket
وهما هيكونو كده
using System.Net;
using System.Net.Sockets;
احنا ان شاء الله هنشتغل على سوكت
Asynchronous
وعموما سورس امبلس موجود فيه السوكتين
وعلشان نعمل السوكت هنحتاج
SocketWrapper
WinSocket
AsyncSocket
